«Интер» яримҳимоячиси Марцело Брозовичга «Манчестер Юнайтед» қизиқиш билдирмоқда, деб хабар беради Calciomercato нашри. Манба берган хабарга кўра, «қизил иблислар» раҳбарияти хорватияликни манкунианликлар билан шартномасини узайтирмоқчи бўлмаган Поль Погбага ўринбосар сифатида кўради.
Брозовичнинг «нерадзуррилар» билан шартномаси 2022 йилнинг ёзида якунига етади. Трансфермаркт 28 ёшли ярим ҳимоячини 40 миллион еврога баҳоламоқда.
«Манчестер Юнайтед»даги Донни ван де Бек билан бўлган вазият тўлиқ аниқ эмас, шунинг учун «қизиллар» Брозович билан келишиб олиши жуда муҳимлиги таъкидланган.
