Англиялик Гари Линекер Месси ва Роналду ҳақида фикр билдирди.

«Мен англияликман, лекин Марадона ва Мессини энг яхшилар деб биламан. Чунки улар бизга футбол билан боғлиқ жуда ажойиб лаҳзаларни тақдим этишган. Ҳа, бошқа буюк футболчилар ҳам бор: Роналдо, Роналду ва бошқалар. Лекин мен уларни кучли тўпурарлар сифатида биламан.

Лекин Диего ва Лео ўйин мобайнида фақат гол уриш, рақиб дарвозасини ишғол этиш билан шуғулланишмайди. Улар худди бошқа бир спорт тури билан шуғулланаётганга ўхшашади. Менга ўхшаган бошқа футболчилар улар амалга оширган ишларни бутун фаолиятимиз давомида ҳам қила олмаймиз.

Мен Криштиануни жуда яхши кўраман, у билан яхши алоқаларимиз бор. У ҳам футболдаги буюклардан бири. Лекин менинг фикримча, Месси бор экан, футбол тарихидаги энг кучли футболчи ким деган савол мавжуд эмас. Ўз навбатида, уларни солиштиришни ёқтирмайман, иккиси ҳам афсонавий футболчилар», дейди Линекер.