«Реал» ҳужумчиси Мариано Диас «Ньюкасл»нинг трансферлар «шорт-лист»идан жой олган, деб ёзади Todofichajes нашри. Манбага кўра, доминиканлик форвардга «қарғалар»нинг янги раҳбарияти шахсан қизиқиш билдирган.
Футболчининг ўзи ҳам кўпроқ ўйин вақтини олиш учун клубни ўзгартиришга қарши эмас. Келишув январь ойида амалга ошиши кутилмоқда.
«Қироллик клуби» ўз заҳира футболчисини 10 миллион еврога қўйиб юборишга тайёр. «Ньюкасл» Диасга мавсум учун 4,5 миллион евро маош таклиф қилишга тайёр.