Англия терма жамоаси бош мураббийи Гарет Саутгейт ЖЧ-2022 саралашида Венгрия билан 1:1 ҳисобида дуранг ўйнагач, инглизлар жуда кўп оддий хатоларга йўл қўйганини қайд этди.
«Бу кўнгилсиз ўйин. Бу Венгриянинг хизматидир - улар бизга тактик муаммоларни келтириб чиқарди, биз мослашувчан эмас эдик ва керакли даражада ўйнай олмадик.
Қаерда муваффақиятсизликка учраганимизни аниқ айтишим қийин. Жамоадаги мувозанат ҳақида бироз ўйлашга вақт топамиз. Шахсий жиҳатдан, биз ҳам яхшироқ бўлишимиз мумкин. Бугун биз тўп билан жуда кўп оддий хатоларга йўл қўйдик», - дейди Саутгейт.
