Каталониянинг «Барселона» клуби ҳужумчиси Лионель Месси испан матбуотига берган интервьюси чоғида сўнгги йилларда эришишган ютуқлари ҳақида гапириб ҳозирги даражасига етиши мумкинлиги ҳақида ҳеч қачон ўйламаганини айтиб ўтди.
«Мен ҳеч қачон дунёнинг энг зўр футболчиси бўламан деб ўйламагандим. Шунчаки, Аргентина термаси ва "Барселона" клуби сафида тўп тепишни истардим, холос. Испания Ла лигасида ўйнашни орзу қилардим. Ўзим билан бўлиб ўтган воқеаларни бўлишини-ку, тасаввур ҳам қила олмасдим. Буёғига ҳозирги ҳолатимдан ҳам яхшироқ ўйин кўрсатишга ҳаракат қиламан», — дейди Месси.