"Odil junior" жамоаси нима сабабдан Ўзбекистон U-14 ва U-16 чемпионатларига таклиф этилгани энди барчага тушунарли бўлса керак.

Мактаб 2017 йилдан фаолиятини бошлади. Ўтган давр мобайнида қатор мусобақалар ташкил этилди ва селекция ишлари олиб борилди. Эътибор берилса, жамоа сафида турли вилоятлардан футболчилар жам бўлган ва улар натижа кўрсатишга эришди.

Бизга бу жиҳат Суперлига ва Про лиганинг айрим клубларига ўрнак ўрнида кўрсатиш учун ҳам керак эди. Айрим клублар 20 йиллар давомида давлатдан пул олди ва тузукроқ футбол мактабига асос солмади. Шунинг ўзиёқ кимнинг қайси йўлда экани, қандай ишлаётгани ва футболга қарашлари қандай эканини яққол кўрсатади.

Ўқувчиларимиз орасида фарзанд тарбия қилаётганлари етарлича. Улар ўзи кийинмайди, боласини кийинтиради. Ўз оғриқлари билан эмас, фарзандларининг саломатлиги билан яшайди. Ўзи яхши емаслиги мумкин, аммо топганини фарзандига едиришга ҳаракат қилади. Қийналиб бўлса-да, болаларини яхши жойда ўқитишга интилади, бирор молини сотиб ёки яқинидан қарз олиб бўлса-да, шартнома пулини тўлайди. Ҳар бир ёш тоифасидаги ҳар бир ёш футболчи ҳам ўша клубнинг боласидир. Ва сиз клубларнинг ўз болаларига эътибори ҳақида яхши биласиз. Фақат ўз жиғилдони ҳақида ўйлайдиганларга катта уят. Улар футболнинг энг жоҳил кишиларидир.

Диёр Имомхўжаев.