Жоан Лапорта "Барселона"га юлдуз футболчини олиб келмоқчи. Гап "Атлетико" ҳужумчиси Хулиан Альварес ҳақида кетмоқда. Айтишларича, айнан шу футболчи билан "Барселона" ҳужум чизиғида ёши катта Роберт Левандовски ўрнини тўлдирмоқчи.
Transfer News Live нашрининг Marca нашрига таяниб хабар беришича, Альварес "Барселона"нинг орзуси бўлиб қолмоқда. Бу трансферни амалга ошириш учун Лапорта катта сотувларга тайёр.
"Лапорта Альваресни сотиб олишга уриниб кўриш учун маблағ йиғиш мақсадида клубнинг муҳим ўйинчиси ёки қимматбаҳо активларини катта миқдорда сотишни маъқуллашга тайёр," - деб ёзади манба.
Нуфузли Transfermarkt портали 25 ёшли Хулиан Альваресни 100 миллион еврога баҳоламоқда.
