У турнирнинг бундай савияда ўтишини кутмаганлигини тан олди.
"Бунёдкор" жамоаси бош директори Улуғбек Мирзаев Тошкентда ўтказилган U-14 Ўзбекистон чемпионати ҳақида фикр билдирди.
"Ўзбекистон U-14 чемпионати ташкилотчилиги бунчалик юқори савияда ўтишини кутмаган эдим. Ҳар бир учрашув энг яхши ўйинчисига берилган совғалар, ўша совринларнинг хилма-хиллиги, тақдирлаш маросими катта байрамдек ўтгани кўзни қувонтирди.
"Чиғатой"даги ҳар бир ўйин Youtube платформасида жонли эфирда ва шарҳловчи билан ўтгани катта ютуқ бўлганини таъкидлаш жоиз.
Марказлаштирилган ҳолда ўтган турнир клубимизнинг селекция ишлари учун ҳам қўл келди. Футболчиларни кўрдик, яқин келажакда ўз академиямизга таклиф қилишимиз мумкин.
"Бунёдкор U-14" жамоаси бош мураббийи академиямизнинг 2011-йилда туғилган футболчиларини ҳам шуғуллантиради. Турнир бошланишидан 1 кун олдин ушбу жамоа билан Москва шаҳридаги турнирдан қайтган эди.
"Бунёдкор" футбол клуби доим болалар футболига алоҳида эътибор билан қараган. Албатта, шу йўсинда давом этамиз",- деди Мирзаев
