"ПСЖ" бош мураббийи Маурисио Почеттино чемпионат доирасида кечган "Анже"га қарши ўйиндан (2:1) сўнг ўз фикрларини билдириб ўтди.
- "ПСЖ" иродали ғалабани ўз менталитети эвазига қўлга киритдими ёки жамоавий ўйин?
- Мен ҳар доим жамоанинг ўйинидан келиб чиқиб натижага эътибор бераман. Бугунги ўйинда биз устунлик қилдик. Тўғри, биринчи бўлимда гол ўтказиб юбордик, кўп югуришимизга тўғри келди, лекин умуман олганда ўйинни назорат қилдик. Ғалаба ҳар доим жамоанинг кучини кўрсатади.
Сўнгги ўйинимизга қараганда бизнинг таркибда жуда кўплаб ўзгаришлар юз берди. Бу албатта қийинчилик туғдирди. Кучли жамоага қарши қийин ўйинда биз муҳим уч очкони қўлга киритганимиздан жуда хурсандман.
- Бугунги Мбаппенинг ўйини сизга ёқдими?
- Биламизки, бу футболчи катта мақтовлар лойиқ. У катта маҳоратга эга ва натижани жамоаси фойдасига керакли вазиятда ҳал қила олади", - деди Почеттино.