Бугун Тожикистоннинг Хўжанд шахридаги марказий ўйингоҳда 2014 йилги жаҳон чемпионати 3-саралаш босқичи сўнгги тури доирасида Тожикистон ҳамда КХДР терма жамоалари майдонга тушишидан хабарингиз бор.
Иккала терма жамоа аъзолари учун ҳам ҳеч нарса аҳамият касб этмайдиган учрашувда, стадион мухлисларга тўлиб тошиши кутилмоқда. Учрашув учун чиқарилган 23.000 та чипта аллақачон сотилилшга улгурган.
Эътиборилиси, бугунги учрашувда мухлислар ўртасида ўзига хос спорт лотереяси ўйналади. Лотереянинг бош ютуғи сифатида эса ВАЗ-2115 автомобили қўйилган.
Учрашув чипталарини қўлга киритиган ҳар бир мухлис ушбу лотереяда иштирок этиши мумкин. Ғолиб ўйин якунлангач қуръа йўли билан аниқланади. Энг бахтли ва омадли мухлис эса ўйин тугагач, ўз уйига янги автомобилда қайтиши мумкин.
Эслатиб ўтамиз, Тожикистон ҳамда КХДР терма жамоалари ўртасидаги баҳс бугун, Тошкент вақти билан 13:30да бошланади. Учрашувни қатарлик Мухаммад ад-Доссарий бошчилигидаги ҳакамлар бригадаси бошқариб бориши кўзда тутилган.
www.fc-istiklol.tj сайтининг хабар беришича, бугун ўз бағрига 25 минг кишини сиғдира оладиган Хўжанддаги марказий стадионда аншлаг бўлиши кутилмоқда.
