Райо Валекано" жамоаси ҳужумчиси Диего Костанинг фикрича, премьеро баҳсларини бошқариб борадиган айрим ҳакамлар "Реал" жамоаси олдида қўрқувни ҳис этишар экан.
"Ҳакамлар кўп ҳолатларда у ёки бу жамоанинг либосидаги гербларга аҳамият беришга одатланишган. Аниқ айтишим мумкинки, "Реал"га қарши ўйин давомида улардан кўра бизнинг жамоамиз аъзолари кўпроқ азият чекишди. Бизнинг оёқларимизга жуда кўп зарба беришди. Аммо кўп ҳолатларда бу вазиятлар эътибордан четда қолди. Мичу қўполлиги учун қизил карточка олиб, майдонни тарк этди. Лекин нима учун Серхио Рамосга қизил карточка кўрсатилмади?! Мичунинг қўполлиги билан Рамоснинг қўполлигини солиштириб кўришингиз мумкин. Айрим ҳакамлар "Реал"дан қўрқишади, бунга бир неча маротаба гувоҳ бўлганман",-дейди бразилиялик футболчи испания ОАВ ларига берган интервьюсида.
Эслатиб ўтамиз, "Райо Валекано-Реал" учрашуви 0:1 ҳисобида мадридликларнинг ғалабаси билан якунланган, учрашувдаги айрим вазиятлар эса мунозараларга сабаб бўлган эди.
