"Милан" бош мураббийи Стефано Пиоли Чемпионлар лигаси 3-тур учрашувида "Порту"дан учралган мағлубият (0:1) ҳақида гапирди.
"Бу ўйинни таҳлил қилиш осон. Биз жуда кам ҳаракатландик. Яна рақибга бўш майдон қолдирдик ва тўп назоратига эътибор бермадик.
"Порту" ҳақли равишда ғалаба қозонди, биз уларга қойил қолишимиз керак. Бугунги ўйинимиз савияси ЧЛ даражасида эмас эди.
Албатта, жароҳати туфайли узоқ вақтдан буён майдонга тушмаган футболчиларнинг қайтиши, уларнинг оптимал ҳолатига етиши учун вақт керак. Аммо бошланғич таркибимиз анча рақобатбардош тузилганди.
Биз яхшироқ ўйнашимиз мумкин эди, лекин афсуски, бу бизнинг кечамиз бўлмади. Бу даражада кўп хатолар учун товон тўлаш керак", - деди Пиоли.
