"Арсенал" ўз ҳужумчиси Ляказетт ўрнини боса оладиган вариантга эга бўлди. Хабар қилинишича, Лондон клуби "Торино" ҳужумчиси Адреа Белотти учун кураш олиб боради.
27 ёшли ҳужумчи Италияда шартномасининг сўнгги йилини ўтказмоқда. "Арсенал" келаси ёзда Белотти учун ҳаракат қилади. Белотти ҳақида "Торино" президенти Урбано Каиро шундай деганди:
"У биз билан янги битим тузмайди. Чунки буни хоҳламайди. Мен Белотти учун таклиф беришим мумкин. Лекин уни нимагадир мажбурлай олмайман. Шу сабаб у биз билан қолишига кўзим етмайди".
Аввалроқ Белотти учун "Вест Хэм" қизиқиш билдиргани ҳақида хабар қилинган эди.