«Лидс» яримҳимоячи Кэлвин Филлипс келаси мавсум фаолиятини бошқа жамоада давом эттириши мумкин. Манбада айтилишича, Англия Премьер-лигасининг икки гиганти англиялик футболчини ўз сафига қўшиб олмоқчи.
Гап «Ливерпуль» ва «Манчестер Юнайтед» ҳақида кетмоқда, деб хабар беради The Mirror нашри. Манкунианликлар эҳтимолий трансфер бўйича «Лидс» раҳбарияти билан бир неча бор боғланишган, бироқ улар келишувга эриша олмаган.
Тахминларга кўра, иккала клуб ҳам Филлипснинг трансфери учун 50 миллион евродан кўпроқ пул тўлашга тайёр. Яримҳимоячининг ўзи «Лидс» билан шартномани узайтириш бўйича сўровни кечиктирмоқда ва келгуси қишда бошқа жамоага ўтишга умид қилмоқда.