Маҳачқалъанинг "Анжи" клуби Леверкузеннинг "Байер" клубида фаолият олиб бораётган Михаэл Баллакка қизиқиш билдираётгани ҳақида хабарлар тарқалди. Клуб аллақачон музокараларни бошлаб юборган.
Маълумотларга кўра, Хиддинк клубга етакчилик қиладиган тажрибали футболчига эҳтиёж сезмоқда. Голландиялик мутахассиснинг бу борадаги энг яхши номзоди Баллак эканлиги тахмин қилинмоқда. Профессионал яшаш тарзи билан кўпчиликка ўрнак бўлган футболчи Хиддинк наздида клуб етакчиси бўла олади. "Анжи" учун қулай бир жиҳати, футболчининг клуби билан тузган шартномаси ёзда тугайди. Шундай экан уни текинга ўз сафига қўшиб олиш имкониятига эга.
