«Кьево» бош мураббийи Доменико Ди Карло «Ювентус»га қарши бўлажак ўйин олдидан ўз фикрлари билан ўртоқлашар экан, унинг шогирдлари туринликларга ёқимсиз сюрприз ҳозирлай олишларини таъкидлаб ўтди. Бу ҳақда «Кьево» расмий сайти хабар бермоқда.

Италия чемпионати 26-туридан ўрин олган «Ювентус» – «Кьево» учрашуви 3 март, шанба куни, Тошкент вақти билан 00:45да бошланади. Иккинчи жамоа ўртасидаги биринчи давра учрашувида ҳисоб очилмаган эди.

«Ювентус» мусобақа жадвалида иккинчи ўринни эгаллаб турибди ва унинг таркибида Кьеллини, Буффон, Дель Пьеро ва Пирло каби ижрочилар бор. Шунга қарамай, биз туринликларга муносиб қаршилик кўрсатишни режалаштирганмиз. Бизда уларни ҳайрон қолдира оладиган жиҳатлар бор», деди «Кьево» бош мураббийи Доменико Ди Карло.

Италия чемпионати 25-тур учрашувларидан сўнг «Кьево» 33 очко билан 9-ўринда бормоқда. Пешқадам «Милан»дан битта ўйин кам ўтказган «Ювентус»нинг очколари сони ҳам россонериларникидан битта кам — 50.