"Арсенал" бош мураббийи Микель Артета Англия чемпионатининг 10-туридан ўрин олган "Лестер" билан ўйин олдидан жамоадаги кадрлар масаласи ҳақида гапирди.
"Уайт ҳали машғулот ўтказмаган, у эртага тиббий кўрикдан ўтади. Тирнига келсак, у умумий гуруҳда машғулотларни бошлади ва ҳолати яхши кўринди, лекин ҳали ҳам баҳсга 100 фоиз тайёр эмас. Балки у "Лестер" билан ўйинда захирадан майдонга тушиши мумкин", - деди Артета "Football London" нашрига.
Эслатиб ўтамиз, "Лестер" - "Арсенал" учрашуви бугун, 30 октябрь куни бўлиб ўтади. Баҳс Тошкент вақти билан 16:30 да старт олади.
