"Манчестер Юнайтед" ярим ҳимоячиси Поль Погба "Ювентус"га қайтишни истамоқда.
Италиянинг "La Gazette Dello Sport" нашри берган маълумотларга кўра, 28 ёшли франциялик футболчининг агенти Мино Райола аллақачон Турин клуби раҳбариятига футболчининг жамоага қайтиш истаги борлигини маълум қилган. Аммо "Юве" президенти Андреа Аньелли Райолага Погба "МЮ"да оладиган маошни (14 миллион евро) тўлай олмаслигини айтди.
Қайд этилишича, француз клубга қайтиш учун маошини қисқартиришга тайёр.
Жорий мавсум Погба АПЛнинг 9 ўйинида иштирок этиб, 7 голли узатмани амалга оширди.