"Manchester Yunayted" yarim himoyachisi Pol Pogba "Yuventus"ga qaytishni istamoqda.
Italiyaning "La Gazette Dello Sport" nashri bergan ma’lumotlarga ko‘ra, 28 yoshli fransiyalik futbolchining agenti Mino Rayola allaqachon Turin klubi rahbariyatiga futbolchining jamoaga qaytish istagi borligini ma’lum qilgan. Ammo "Yuve" prezidenti Andrea Anyelli Rayolaga Pogba "MYU"da oladigan maoshni (14 million yevro) to‘lay olmasligini aytdi.
Qayd etilishicha, fransuz klubga qaytish uchun maoshini qisqartirishga tayyor.
Joriy mavsum Pogba APLning 9 o‘yinida ishtirok etib, 7 golli uzatmani amalga oshirdi.