«Real»ning sobiq yarim himoyachisi Toni Kroos hozirgi o‘yin uslubi bilan «Barselona» Chempionlar ligasida g‘olib chiqa olmasligini ma’lum qildi.

Kataloniyaliklar turnirning 1/4 finalida «Atletiko»ga umumiy 2:3 hisobida imkoniyatni boy berib, musobaqani tark etishdi.

«Menimcha, «Barselona» kuchliroq edi, lekin sen shuncha vaqt davomida bir kishi kam bo‘lib o‘ynasang, bu juda qiyin. «Atletiko» natijani himoya qilishni biladi. Birinchi o‘yindan keyingi ustunlik va raqib tarkibidagi chetlatishni hisobga olsak, ularda yarim finalga chiqish uchun katta imkoniyat bor edi.

Sen mana shunday uslubda himoyalansang va orqa fonda shunchalik ko‘p bo‘sh joy qoldirsang, darvozabon bilan birga-bir vaziyatga chiqib ketishning oldini olish uchun chetlatishlar kabi holatlar yuz berishi tabiiy.

«Barselona» himoyasi juda zaif. O‘tgan yili bu «Inter» bilan o‘yinda, bu yil esa «Atletiko» bilan bahsda o‘z ta’sirini ko‘rsatdi. Avval aytganimdek, agar ular o‘yin uslubini o‘zgartirmasalar, Chempionlar ligasida g‘olib chiqa olmaydilar», — dedi Kroos Luppen TV YouTube-kanalida.