"Арсенал" ҳимоячиси Такехиро Томиясу ўтган ёзда Лондоннинг бошқа клуби "Тоттенхем"га ўтиши мумкин эди. Бу ҳақида футболчи "Goal" нашрига маълум қилди.
“Аввалига “Арсенал”га ўтаман деб ўйламагандим. Аслида "Тоттенхем"га ўтишим керак эди, лекин трансфер ойнасининг сўнгги кунида келишув амалга ошмай қолди. "Арсенал" менга яна таклиф билан мурожаат қилди ва мен дарҳол рози бўлдим", - деди Томиясу "Goal" нашрига берган интервьюсида.
Эслатиб ўтамиз, Томиясу 2021 йил август ойи охирида 18,6 миллион евро эвазига “Болонья”дан “Арсенал”га ўтган эди. 2021/22-йилги мавсумда 23 ёшли япониялик “канонирлар” сафида 7 та ўйин ўтказиб, самарали ҳаракатлар амалга оширмади.
