Хабар бериб ўтганимиздек, 25 октябрь - 6 ноябрь кунлари Сербия пойтахти Белград шаҳрида бокс бўйича эркаклар ўртасида жаҳон чемпионати ўтказилди.
Мусобақа якунига кўра, ўзбекистонлик боксчилар 1 та кумуш ва 1 та бронза медалига сазовор бўлишди.
Чемпионатда қатнашган терма жамоамиз вакиллари бугун юртимизга қайтиб келишди.
Улар Ислом Каримов номидаги Тошкент халқаро аэропортида кутиб олинди. Кутиб олиш маросимида Ўзбекистон бокс федерацияси, Ички ишлар вазирлиги, Мудофаа вазирлиги мутасаддилари, спортчиларимизнинг яқинлари ва мухлислар иштирок этишди.
Эслатиб ўтамиз, жаҳон чемпионатида Абдумалик Халаков кумуш, Мадияр Саидраҳимов эса бронза медалини қўлга киритди.
