"Барселона" ярим ҳимоячиси Филиппе Коутиньо Испания чемпионатининг 13-туридан ўрин олган "Сельта"га қарши баҳсда заҳирадан майдонга тушишни рад қилгани ҳақидаги янгиликларни ёлғон деб атади.
"Уйга қайтиб, бу хабарни кўриб ҳайрон бўлдим. Буларнинг барчаси ёлғон. Ҳаётимда доим профессионаллик етарли даражада бўлган. Мен доим ўзим билан бирга ишлаган барчани ҳурмат қилганман ва ҳурмат қиламан”, - деди Коутиньо.
Эслатиб ўтамиз, 29 ёшли Коутиньо жорий мавсумда клуб сафида 11та ўйинда майдонга тушди ва 1 гол урди. Футболчи бундан олдин тиззасини кетма-кет 3 марта операция қилдирган ва тахминан 9 ойни жароҳатда ўтказиб юборган эди.
