Янги чемпионатга тайёргарликнинг сўнгги босқичини пойтахтимизда ўтказаётган Ғузорнинг “Шўртан” клуби кеча “Бунёдкор-2” клуби билан ўртоқлик учрашувини ўтказди. Учрашувда Игорь Криушенко икки таркибни синаб кўрди. Бутун ўйин мобайнида яққол устунликкка эришган “оқ бўрилар” рақибларини 4:0 ҳисобида мағлубиятга учратди.

“Бунёдкор” дарвозасидан жой олган голларга Мўйдин Мамазулумов ва Патрик Агболар бир мартада муаллифлик қилишган бўлса, Туркиядаги йиғин мобайнида таркибга жалб қилинган Виталий Рушницкий “дубл” қайд этиб, ҳисобни 4:0 кўринишига олиб келди. Аслида учрашув натижаси бундан ҳам йирик бўлиши керак эди, бироқ, “Шўртан” футболчилари уюштирилган ҳужумларнинг жуда кўпини кўкка совуришди.

Ушбу учрашувда Игорь Криушенко қуйидаги футболчиларни майдонга туширди:
(Биринчи бўлим): М.Наумов, Ҳ.Каримов, А.Алиқулов, Р.Бердимуродов, В.Пономарёв, А.Соро, В.Афонин, И.Таран, Б.Қодирқулов, А.Амонов, М.Мамазулумов.
(Иккинчи бўлим): А.Корнейчук, А.Жўраев, Я.Крушелницкий, О.Жўрабоев, А.Мерзляков, О.Валижонов, Ғ.Рахмонов, П.Агбо, В.Клишин, Л.Убайдуллаев, В.Рушницкий.

Энди Игорь Криушенко бошчилигидаги “оқ бўрилар” кейинги ўртоқлик учрашувларини 8 март куни Зарафшоннинг “Қизилқум” клубига қарши ўтказади.