Мадриднинг “Реал” клуби ҳужумчиси Гарет Бэйл жамоани тарк этиши мумкин, дея хабар берди "El Nacional" нашри.
Мадридликлар бош мураббийи Карло Анчелотти раҳбариятдан Гарет Бэйлни сотишни талаб қилди. Мавсум бошланишидан олдин италиялик мутахассис футболчини аввалги даражасига қайтаришига ишонганди. Энди у "Реал"да ўйнаш Бэйл учун устувор вазифа эмаслигини тушунди.
Анчелотти футболчи жароҳатидан тузалиб кетганига қарамай, Уэльс терма жамоаси жойлашган жойга борганидан норози. Мураббийнинг фикрича, Бэйл клубда қолиши ва тикланиши керак эди.
Жорий мавсумда Гарет "қаймоқранглилар" сафида 3та ўйин ўтказиб, 1та гол урган. У 2013 йилдан буён "Реал Мадрид"да ўйнамоқда ва унинг клуб билан шартномаси 2022 йилнинг июнида тугайди. Футболчининг трансфер қиймати 10 миллион еврога баҳоланмоқда.
