“Лилль” ҳимоячиси Свен Ботман фаолиятини Италия А сериясида давом эттириши мумкин. Бу ҳақда “La Gazzetta dello Sport” нашри хабар бермоқда. Манбага кўра, футболчи “Рома” бош мураббийи Жозе Моуриньонинг қизиқиш доирасига тушиб қолган.
Таъкидланишича, француз клуби ўз футболчисини қўйиб юборишга қарши эмаслар, аммо у учун 30 миллион евро сўрашмоқда. Бу миқдор Рим жамоасига мос келмяпти.
Агар нархни тушириб бўлмаса, “бўрилар” “Фейеноорд” ҳимоячиси Маркос Сенеси ёки “Галатасарой” ҳимоячиси Марао Тейшейрани сотиб олишга ҳаракат қилади.
