"Ливерпуль" футболчиси Ҳарви Эллиот жароҳатидан муваффақиятли соғаймоқда. Бу ҳақида футболчи ўз Instagram саҳифасида пост қолдирди. Унда "Яна бир кун яқинлашдим" деб ёзилган эди.
Жамоа устози Юрген Клопп ҳам Эллиот жароҳати юзасидан фикр билдирди. У бу ҳақда шундай дейди:
"Ҳарви ажойиб футболчи. Мен унинг майдонга қачон қайтишини аниқ билмайман. Аммо биз уни сабрсизлик билан кутамиз. Менимча, у жароҳатидан яхши соғаймоқда. Унинг кулганини ва қаттиқ ҳаракат қилаётганини эшитиб хурсанд бўлдим. У қайтади. Аммо қанча вақтдалигини айта олмайман".
18 ёшли вингер 12 сентябрь куни "Лидс"га қарши баҳсда тўпиғидан жиддий жароҳат олган эди. Унинг оёқ суяклари cингани тасдиқланиб, операция қилинган.
