"Реал Мадрид" ва Уэльс терма жамоаси ҳужумчиси Гарет Бэйл ЖЧ-2022 саралаш баҳсларидан ўрин олган Белорусь терма жамоасига қарши ўйинда (5:1) жароҳат олди. Бу ҳақда журналист Карлос Родригес хабар берди.
Маълумотларга кўра, футболчи ўйин вақтида болдир мушакларида оғриқни ҳис қилган, шу сабаб танаффус вақтида алмаштирилган.
Қайд этилишича, Гарет Бельгия – Уэльс учрашувида майдонга тушмайди ва Мадридда тиббий кўрикдан ўтади.
33 ёшли Бэйл жорий мавсум "Реал" сафида 3 ўйин ўтказиб, 1 гол уришга эришди.
