Хабарингиз бор, шу йилнинг 3 апрель куни Тошкентнинг «Бунёдкор» клуби Осиё чемпионлар Лигаси гуруҳ босқичи доирасида Япониянинг «Гамба Осака» клубига қарши кун чиқар юртнинг Осака шаҳрида майдонга тушади.

29 февраль куни миллий терма жамоамизнинг тарихий галабаси билан якунланган учрашувни Ўзбекистондан 160 дан ортиқ мухлислар тўғридан-тўғри стадионда кузатишган эди. Ушбу учрашувдан кейин кўплаб мухлислар «Бунёдкор» жамоасини Жанубий Корея, Япония ва Австралиядаги сафар учрашувларида мухлислик қилиш тилагини билдиришди.

Бўлаётган таклифларни инобатга олган ҳолда, «Бунёдкор» жамоаси раҳбарияти терма жамоалар фан-клубига мухлислар учун сафар уюштириб бериш масаласида мурожаат билан чиқди.

Барчасини инобатга олган терма жамоалар фан-клуби «Гамба Осака» ва «Бунёдкор» учрашувига мухлислар сафарини уюштирмоқда. Сафар давомида нафақат футбол учрашувида бевосита иштирок этиш, балким Япониянинг эътбиорга молик жойларига ҳам саёҳат уюштирилади.

Ушбу сафарга бориш истагидаги мухлисларга 11 март кунига қадар фан-клубга мурожаат қилишлари мумкунлигини маълум қиламиз.

1 апрелдан 7 апрелгача бўлиб ўтадиган сафар давомида «Бунёдкор» жамоасини тўғридан-тўғри стадионда туриб қўллаб-қувватлашни хоҳласангиз ва шу билан бирга, байроғимиз ва довруғимизни янада балан кўтариш истагида бўлсангиз, марҳамат қилиб Ўзбекистон Футбол Федератсияси терма жамоалар фан-клубига мурожаат қилинг.

Малумот учун телефон: (+99897) 400-20-04

P.S. Паспортингизда хорижга чиқиш ҳуқуқини берувчи «ОВВИР» визаси бўлиши шарт. Қўнғироқлар 7 мартдан 11 мартгача, ҳар куни эрталаб соат 10:00 дан кеч соат 20:00 гача қабул қилинади.