Испаниянинг "AS" нашри хабарига кўра, Франциянинг "Пари Сен-Жермен" жамоаси "Барселона"нинг энг кўзга кўринган ёш истеъдодларидан бири Диего Алмейдани сотиб олиш орқали Хави Симонс ва Кайс Руизнинг ишини такрорламоқчи.
Қайд этиш жоиз, 17 ёшли Алмейда марказий ҳимоячи сифатида ўйнайди ва унинг “Барселона” билан шартномаси 2023 йилнинг июнига қадар тузилган. У ўтган пайшанба куни Хави қўл остида асосий жамоа билан машғулот ўтказган. Аввалроқ эса, Испаниянинг 15 ёшгача бўлган терма жамоасида, ҳозир Испания U-18 терма жамоаси сафида ҳаракат қилади.