Ўтган ёз “Наполи” Миланнинг “Интер” клуби ва Уругвай терма жамоаси ярим ҳимоячиси Матиас Весинонинг трансферини амалга оширишга уриниб кўрди. Аммо кейин музокаралар боши берк кўчага кириб қолди ва трансфер амалга ошмай қолди.
Неаполликлар қишда бу вазиятни тўғирлаш ниятида. “Gazzetta dello Sport” нашри хабарига кўра, жамоа бош мураббийи Луциано Спалетти шахсан клуб раҳбариятидан уругвайлик футболчи билан шартнома имзолашни сўраган.
Трансфермаркт портали Весинонинг нархини 8 миллион еврога баҳоламоқда. Қайд этиш жоизки, “Наполи”нинг ўзи ҳам молиявий фейр-плей чекловлари амал қилиш керак, шунинг учун рўйхатдаги футболчилардан бирини сотишни кутиш мумкин.