Халқаро танаффусдан кейин “Ливерпуль”да кадрлар билан боғлиқ муаммо юзага келди. Англия Премер лигаси навбатдаги тур доирасидаги “Арсенал”га қарши тўқнашувда мураббий Юрген Клопп бир вақтнинг ўзида бир нечта ўйинчилари хизматидан фойдалана олмайди.
Жордан Хендерсон, Эндирю Робертсон, Дивок Ориги, шунингдек, ҳужум чизиғи етакчиси Садио Мане ҳам терма жамоалари жойлашган жойдан жароҳат олиб қайтишди. Бироқ сенегалликларнинг жароҳати кутилгандек жиддий бўлиб чиқмади.
Клоппнинг ўзи бу ҳақда “Sky Sports” телеканалига берган интервьюсида айтди: “Мане яхши. Унинг жароҳати анча енгил. Садио асосий гуруҳда шуғулланади, шунинг учун унинг ўйинда иштирок этиши истисно қилинмайди”.
