«Барселона» ва «Реал» клублари «Аякс»нинг ўнг қанот ҳимоячиси Нусайр Мазрауига қизиқиш билдирмоқда, деб хабар беради Спорт.эс.
24 ёшли футболчининг Нидерландия клуби билан шартномаси 2022 йилнинг ёзида якунига етади. Трансфермаркт.cом портали ҳимоячини 18 миллион еврога баҳоламоқда.
Олдинроқ Мазрауига «Манчестер Сити», «Арсенал», «Лидс» ва «Брайтон» клублари қизиқиш билдираётгани ҳақида хабарлар тарқалган эди.
2021/22 йилги мавсумда футболчи «Аякс» сафида барча турнирларда 16 та ўйин ўтказиб, 4 та гол урди ва 3 та голли узатмани амалга оширди.
