«Barselona» va «Real» klublari «Ayaks»ning o‘ng qanot himoyachisi Nusayr Mazrauiga qiziqish bildirmoqda, deb xabar beradi Sport.es.

24 yoshli futbolchining Niderlandiya klubi bilan shartnomasi 2022 yilning yozida yakuniga yetadi. Transfermarkt.com portali himoyachini 18 million yevroga baholamoqda.

Oldinroq Mazrauiga «Manchester Siti», «Arsenal», «Lids» va «Brayton» klublari qiziqish bildirayotgani haqida xabarlar tarqalgan edi.

2021/22 yilgi mavsumda futbolchi «Ayaks» safida barcha turnirlarda 16 ta o‘yin o‘tkazib, 4 ta gol urdi va 3 ta golli uzatmani amalga oshirdi.