Madridning «Real» klubi prezidenti Florentino Peres jamoaning joriy mavsumdagi muvaffaqiyatsiz ishtiroki sabablariga to‘xtaldi.
“Bu yil hammasini xohlagandek amalga oshira olmadik. Ammo o‘ylaymanki, barcha muammolarning ildizi klublar o‘rtasidagi Jahon chempionatida. Chunki biz to‘liq mavsumoldi tayyorgarligini o‘tkazmadik va jismoniy holatimizni tiklay olmadik. Futbolchilar jarohat olmoqda va biz kutilgan jismoniy tayyorgarlik darajasiga ega emasmiz”, — dedi Peres.
Eslatib o‘tamiz, klublar o‘rtasidagi Jahon chempionati 2025 yil yozida AQSHda bo‘lib o‘tgan. Madrid klubi musobaqaning yarim finaligacha yetib borib, unda «PSJ»ga 0:4 hisobida mag‘lub bo‘lgan edi.
Mavsum yakunlariga ko‘ra, «Real» birorta ham sovrin qo‘lga kirita olmadi.













