"Астон Вилла" янги бош мураббийи Стивен Жеррард жамоа футболчиларига кетчуп истеъмол қилишни тақиқлади.
"Таркибни таҳлил қилишимиз керак. Биз яхши жамоа тузиб, кучайиб боришга ҳаракат қиламиз. Футбол тўпга эга бўлишга асосланган ўйин, биз асосан шу жиҳатимизни яхшилашга эътибор қаратганмиз.
Ўйинчиларнинг кетчуп истеъмол қилиши тақиқланган! Улар тўғри менталитетга эга бўлишлари, юқорироқ бўлишга интилишлари ва кўпроқ ютуқларга эришишлари керак. Улар элита бўлишга интилишлари керак", - деди Жеррард.
Олдинроқ “Тоттенхем” бош мураббийи Антонио Конте лондонликлар футболчиларига кетчуп ва майонез истеъмол қилишни тақиқлаган эди.
