2022 йилда Қатарда бўлиб ўтадиган футбол бўйича жаҳон чемпионатига тайёргарлик кўриш ва мерос бўйича олий қўмита бош котиби Ҳассан ат-Тавадий мамлакатда мусобақа учун сўнгги, еттинчи стадион қурилиши якунланганини маълум қилди.
"Биз "974" арена қуриб битказилганини эълон қилишдан ғурурланамиз. Бу 2022 йилга борадиган йўлда яна бир муҳим босқич, чунки биз биринчи бор Жаҳон чемпионатини ўтказишга яқинлашмоқдамиз».
Илгари Рас Абу Абуд номи билан аталган ҳозирда номи "974" аренага ўзгартирилган ўйингоҳ 40 000 томошабинни сиғдира олади. Стадион жаҳон чемпионатининг 7 ўйинини, шунингдек, Араб миллатлари кубогининг олтита ўйинини қабул қилиши режалаштирилган.
