«Барселона» ҳужумчиси Лионель Месси жамоасининг Испания чемпиони бўлиш имкониятлари ҳақида ўз фикрларини билдириб ўтди. Бу ҳақда, испан матбуотига асосланиб, «Championat.com» интернет-нашри хабар бермоқда.
Эслатиб ўтамиз, айни вақтда каталонияликлар Мадриднинг «Реал» клубидан ўн очкога ортда қолишмоқда.
«Барселона» учун ички биринчиликдаги вазифа жуда ҳам оғирлашди. Бироқ нима бўлган тақдирда ҳам биз қолган барча учрашувларда ғалаба қозонишга ҳаракат қиламиз», деди Лионель Месси «Байер»га қарши ЕЧЛ нимчорак финал учрашувидан сўнг. Ушбу учрашувда «Барселона» 7:1 ҳисобида ғалаба қозонди, Месси эса бешта гол муаллифига айланди.