«Манчестер Сити» ҳужумчиси Марио Балотелли, «Болтон»га қарши Англия чемпионати учрашуви арафасида клуб қароргоҳига ётиш вақти ўтганидан кейин келгани учун жаримага тортилди. «La Gazzetta dello Sport» хабарига кўра, жарима миқдори 120 минг фунт-стерлингни ташкил этади.
«Мен хато қилдим. Ўйин арафасида бу ишни қилмаслигим керак эди», деди Балотелли.
«Мен Марио билан гаплашдим. Қилган иши учун унга ҳафталик маоши миқдорида жарима солинди. Ҳар бир футболчи ўйинга тайёргарлик ишига профессионал ёндашиши керак. Биз қабул қилса бўладиган жазо чорасини қўлладик. Балотеллининг ўзи бу қарорни тўғри тушуниб, қабул қилди», дея қайд этиб ўтди «Манчестер Сити» бош мураббийи Роберто Манчини.