«Манчестер Юнайтед» ярим ҳимоячиси Бруно Фернандеш бош мураббий Оле-Гуннар Сульшернинг истеъфога чиқарилишига муносабат билдирди.
«Аввал айтганимдек, бу ҳолатга барчамиз айбдормиз. Мен учун қилган барча ишларингизни инобатга олсак, менинг миннатдорчилигим чегара билмайди. Мен сизнинг ишончингиз ва «Манчестер Юнайтед» шарафини ҳимоя қилиш имкониятини берганингиз учун жуда миннатдорман. Сизга ва оилангизга омад тилайман. Ҳаммага яхшилик қилишда давом этинг, жаноб», дея ёзган португалиялик ўзининг Инстаграм саҳифасида.
Маълумот учун, «Манчестер Юнайтед» Премьер-лигадаги сўнгги 7 ўйиннинг фақат биттасида ғалаба қозонган. Жамоа лига турнир жадвалида саккизинчи ўринни эгаллаб турибди.
