Бразилия терма жамоасининг афсонавий ҳужумчиси Роналдо ФИФА Бош котиби Жером Валькнинг фикрларига қўшилишини айтди. ФИФА Бош котиби бразилияликларнинг ЖЧ-2014га тайёргарлигини танқид қилган эди.
"Вальк Бразилия халқидан кечирим сўради, унинг сўзлари аксарият ватандошларимни хафа қилгани рост. Аммо мен унинг сўзларига қўшиламан. Бразилия ЖЧ-2014 инфраструктураси қурилиши режаларини бажаришда ортда қоляпти. Кўпгина иншоотлар ҳозирга келиб топширилган бўлиши керак эди,"- дея унинг сўзларидан иқтибос келтиради Bandeirantes TV.
Эслатиб ўтамиз, ФИФА бош котиби Вальк режалаштирилган қурилишларни ўз вақтида топширилиши учун Бразилиялик мутасаддиларнинг "кетига тепиш" кераклигини айтган эди.
