Дортмунднинг “Боруссия” клуби ҳужумчиси Эрлен Холанд Бундеслиганинг 13-турида “Волфсбург”га қарши ўйинда (3:1) гол урди. Бунинг эвазига у янги рекорд ўрнатди.
Норвегиялик футболчи Бундеслигада ўзининг 50-голини урди ва бунинг учун у атиги 50та ўйин сарфлади. Шунингдек, Эрлинг Германия чемпионатида 50та гол урган энг ёш футболчига айланди - 21 ёш, 4 ой ва 6 кун.
Ушбу ғалаба эвазига "Боруссия" Бундеслигада биринчи ўринга кўтарилиб олди. Норвегиялик форвард жорий мавсумда “Боруссия” сафида барча турнирлар доирасида 11та ўйин ўтказиб, 14та гол уришга эришди.
