"Барселона" "Лейпциг" ярим ҳимоячиси Дани Ольмонинг трансфери бўйича музокараларни тўхтатди, дея хабар беради "Diario Sport".
Манбанинг хабарига кўра, Каталония клуби вакиллари 23 ёшли испанияликнинг агенти билан шу ҳафта бўлиб ўтиши керак бўлган учрашувни кейинга сурган.
Қайд этилишича, “Барселона”нинг устувор вазифаси “Манчестер Сити” ярим ҳимоячиси Ферран Торресдир.
Ольмо жорий мавсумда “Лейпциг” таркибида 6 та ўйин ўтказиб, битта голли узатмани амалга оширди. 21 ёшли Торрес эса “Манчестер Сити” сафида 7 та ўйинда майдонга тушиб, 3 та гол ва битта голли узатмани амалга оширган.
