Турин прокуратураси аввалроқ “Ювентус”да ўйнаган “Манчестер Юнайтед” ҳужумчиси Криштиану Роналдуни сўроқ қилишни режалаштирмоқда.
La Gazzetta dello Sport хабарига кўра, португалиялик Италия клуби билан ёлғон молиявий ҳисоботлари мавжудлиги туфайли тергов қилиниши мумкин.
Телефон суҳбатларида "Ювентус" раҳбарлари кўпчиликнинг хабари йўқ бўлган шартнома ҳақида гапирган. Олдинроқ Роналду карантин вақтида «Ювентус»дан қўшимча пул олган бўлиши мумкинлиги хабар қилинганди.
Прокурор португалияликнинг клуб билан ҳамкорлиги тафсилотларини билмоқчи. Шу туфайли Роналду сўроқ қилиниши мумкин.
