Ҳужумкор яримҳимоячи Хуан Мата қишки трансфер ойнаси учун “Манчестер Юнайтед”ни тарк этишга яқин турибди. 33 ёшли вингернинг "қизил иблислар" билан амалдаги шартномаси тугаяпти, шу боис у фаолиятини давом эттиришнинг турли вариантларини кўриб чиқмоқда.
“Todofichajes” нашри фикрича, Мата Туманли Альбионда қолиши мумкин. Унга АПЛ аутсайдери “Ньюкасл” қизиқиш билдирмоқда. Хуаннинг ўз ватанида ишга кириш имконияти ҳам бор. “Реал Сосьедад” яримҳимоячини ўз сафига таклиф қилмоқчи. Унга “Фенербахче” қизиқиш билдираётган Туркия испанияликнинг карьераси учун яна бир векторга айланиши мумкин.
Мата “Манчестер Юнайтед”да 2014 йилдан буён ўйнаб келмоқда. Премьер-лиганинг жорий мавсумида испаниялик футболчи майдонга тушмади.
