ПСЖ қишда трансферини амалга оширишни режалаштираётган аргентиналик ҳужумчи Мауро Икарди Англияга кўчиб ўтиши мумкин.
“Fichajes” нашри хабарига кўра, форвардга Туманли Альбиондан жиддий талаб бор. Лондоннинг “Арсенал” ва “Челси” клублари 28 ёшли ҳужумчига ҳамкорлик таклиф қилишга тайёр. Аввалроқ, “Ньюкасл” Маурога қизиқиш билдиргани айтилганди.
Потенциал харидорлар Икарди трансфери учун тахминан 35 миллион евро тўлашлари керак бўлади.
Лига 1’нинг жорий мавсумида аргентиналик футболчи 12 ўйинда майдонга тушиб, учта гол урди. Унинг парижликлар билан шартномаси 2024 йилнинг ўрталарига қадар амал қилади.
