«Вест Хем» бош мураббийи Девид Мойес «Челси»га қарши (3:2) АПЛнинг 15-тур баҳси ҳақида фикр билдирди.

«Тўғрисини айтсам, у қадар яхши ўйин кўрсатмадик. Лекин гол уришни уддаладик. Қолган ўйинларда эса айнан гол уришда қийналаётган эдик.

Бугун биз бу ишни «қуруқ» ўйинлар устаси бўлган жамоага қарши намойиш қилдик. Бу эса ёқимли, шунинг учун йигитлар ҳурматга лойиқ.

Иккинчи бўлимда анча яхши ҳаракат қилдик. «Челси»да иқтидорли футболчилар бор ва улар маҳорат даражаси туфайли Чемпионлар лигаси ғолиблигини қўлга киритди.

Уларга босим ўтказиш мумкин, масофани сақлаш мумкин. Бироқ бунга осонлик билан эришиб бўлмайди», - дейди Мойес.