«Vest Xem» bosh murabbiyi Devid Moyes «Chelsi»ga qarshi (3:2) APLning 15-tur bahsi haqida fikr bildirdi.
«To‘g‘risini aytsam, u qadar yaxshi o‘yin ko‘rsatmadik. Lekin gol urishni uddaladik. Qolgan o‘yinlarda esa aynan gol urishda qiynalayotgan edik.
Bugun biz bu ishni «quruq» o‘yinlar ustasi bo‘lgan jamoaga qarshi namoyish qildik. Bu esa yoqimli, shuning uchun yigitlar hurmatga loyiq.
Ikkinchi bo‘limda ancha yaxshi harakat qildik. «Chelsi»da iqtidorli futbolchilar bor va ular mahorat darajasi tufayli Chempionlar ligasi g‘olibligini qo‘lga kiritdi.
Ularga bosim o‘tkazish mumkin, masofani saqlash mumkin. Biroq bunga osonlik bilan erishib bo‘lmaydi», - deydi Moyes.
