Италия чемпионати 16-туридан ўрин олган марказий баҳс якунига етди. Римдаги "Олимпико" стадионида бўлиб ўтган "Рома" – "Интер" қарама-қаршилигида миланликлар йирик 3:0 ҳисобида ғалаба қозонишди.
Дастлаб, Хакан Чалханоглу ўйиннинг 15-дақиқасида бурчакдан тўғри тўпни дарвоза тўрига жойлаб қўйди. 25-дақиқада Эдин Жеко "нерадзуррилар" устунлигини мустаҳкамлаган бўлса, 39-дақиқада Дензел Думфрис ҳисобни йирик 3:0 кўринишига келтирди. Якунда ҳисоб ўзгармади – 3:0.
Ушбу учрашувдан сўнг "Интер" ҳисобидаги очколарни 37 тага етказиб олди ва турнир жадвалининг 2-ўрнига жойлашди. "Рома" 25 очко билан 5-поғонада.
Италия, А Серия, 16-тур
"Рома" – "Интер" – 0:3 (0:3,0:0)
Голлар: 15 - Чалханоглу, 25 - Жеко, 39 - Думфрис.
Рома – Руй Патрисиу, Роджер Ибаньес, Винья, Смоллинг, Манчини, Кумбулла (Бове, 61), Кристанте, Верету (Вольпато, 90+1), Мхитарян, Шомуродов, Дзаньоло
Интер – Ханданович, Дюмфрис, Д`Амброзио, Шкриньяр, Бастони (Димарко, 76), Хакан Чалханоглу (Сенси, 84), Барелла (Видаль, 59), Брозович, Джеко (Весино, 76), Перишич, Корреа (Санчес, 59)
