“Fichajes” нашри хабарига кўра, “Наполи” яримҳимоячиси Фабиан Руис “Ливерпуль” қизиқишлари доирасига тушган. Испаниялик футболчи узоқ вақтдан бери топ-клубда ўйнашни орзу қилади ва бу унинг учун имконият бўлиши мумкин.
Аввалроқ “Реал” ва “Барселона” ҳам Руисга харидор бўлганди. Неапол клуби президенти Аурелио Де Лаурентис футболчи учун 100 миллион евро талаб қилди.
Энди испанияликнинг нархи сезиларли даражада тушиб кетди. Унинг шартномаси 2023 йилда якунига етади. Руис шартномани узайтириш ниятида эмас.
